في الكلية تخلي كل مجهودك للتقدير بس؟ يعني لو جبت امتياز هتشتغل ف مكان كبير والشركات هتجري وراك؟ ? ? ? ? ? ? ? ? ? ? ? ? قبل ما اتكلم هقولك تجربة شخصية ليا انا اتخرجت من هندسة عين شمس بتقدير امتياز مع مرتبة الشرف وقولت بقا يواد الشركات هتحري وراك. قعدت شهر اتنين ومحدش عبرني. واول انترفيو ليا خدت reject من ال HR. ودة اصلا قبل ما حد يشوفني Technical. معني كدة التقدير مش مهم؟ لا مهم طبعا بس بنفس اهمية حاجات تانية لازم تنميها في شخصيتك كمهندس بجانب اللغة يعني لو هعمل مقارنة بين مهندس جايب امتياز وابيض لغة ومهارات شخصية. ومهندس جايب جيد و متميز في لغة وعندة مهارات شخصية. طبعا بتاع جيد يكسب ? ? ? ? ? ? ? ? ? ? ? هكرر تاني مش معني كدة ان التقدير مش مهم. لا مهم ولاكن مش كافي عشان تبني مستقبلك وتشتغل ف مكان محترم وهقولك معلومة كتير ممكن ميعرفهاش كل الشركات الكبيرة بتعمل الاول انترفيو HR ويشوف شخصيتك بعيدا تماما عن اي حاجة فنية ولو اتقبلت بتروح تعمل انترفيو فني. تفهم من كدة ان الاهم هو الشخصية واللغة لو انت كويس فيهم هتعدي اهم مرحلة وبعدين هيشفوك Techincal. ملحوظة الانترفيو بيكون English ????????????? ازاي طيب تنمي مهاراتك الشخصية؟ 1. اهم اهم اهم حاجة لغة تتميز فيها( انجليزي، فرنساوي، الماني) واخد بالك قولت تتميز مش كلمتين تمشي نفسك بيهم 2.دخل نفسك في Teams و activities عشان تنمي مهارات التواصل 3.الثقة بالنفس اهم حاجة. لازم تدخل تيم ويكون ليك دور واضح. وبتقدر تاخد قرارات. 4.لازم كورسات تفيدك وتنمي شخصيتك فاكس الشهادات المضروبة وتدريبات الحكومة حتي لو كورس اونلاين في الشغل مش هيقولك وريني الشهادة. لا هو هيختبرك لو مهتم بالمهارة اللي انت كاتبها. 5.كورسات التنمية البشرية والذاتية ومهارات التواصل. ممكن تقرا عنها اون لاين بس الاهم تتطبق اللي بيتقال وتنمي من شخصتك 6. اي activity تلاقية ف الكلية قدم فية وادخل انترفيو مرة او اتنين ممكن تترفض بس هتعرف عيوبك وهتحسنها وبعد كدة هتتقبل #اخيرا تقدير ومهارات فنية لغة مهارات شخصية كلهم لهم نفس الاهمية اوعي تهتم بواحدة علي حساب التانية.